ଶେଷ ଠିକଣା - ସଦାନନ୍ଦ ସାହୁ

ଶେଷ ଠିକଣା - ସଦାନନ୍ଦ ସାହୁ

ସଦାନନ୍ଦ ସାହୁ
ଧୁରୁସିଆ, କଟକ

ଶୁନ୍ୟବାଣୀ ସତେ କର୍ଣ୍ଣ ମୋର ଶୁଣେ
ବେଶୀଦିନ ନୁହେଁ ଆୟୁ,
କରିଚି ପ୍ରତୀକ୍ଷା ମରଣ ଶେଯରେ
ଉଡିଯିବ ପ୍ରାଣ ବାୟୁ ॥
ଜୀବନ ଯୁଦ୍ଧରେ କେତେ ମୁଁ ହାରିଚି
କେତେବି ଜିତିଛି ମୁଁ,
ହିସାବ ନିକାଶ ସବୁ ମୁଁ ରଖିଚି
ପା ଶୋ ରୀ ଯାଇନି ମନୁ ॥

ପାପପୁଣ୍ୟ କଥା ନୀରବେ ଭାବୁଚି
ଆଖିରୁ ଝରାଇ ଲୁହ,
ଅନୁତାପେ ଆଜି ଜଳୁଚି ମୋ ଦେହ
ହୃଦୟେ ବଢ଼ଇ କୋହ ॥
ଏ ଦୁର୍ଲ୍ଲଭ ଜନ୍ମେ କରିଥିଲି ବୋଧେ
ଅନାୟ ଅନୀତି ବେଶୀ,
ସଶରୀରେ ଆଜି ଭୋଗୁଚି କଷଣ
ପାରୁନି ମୁଁ ଉଠି ବସି ॥


ଆଉ କେତେଦିନ ଭୋଗିବି ଯାତନା
ମୋ ଭାଗ୍ୟରେ ଅଛି ଲେଖା,
ମାଟିପିଣ୍ଡ ଛାଡି ଯିବି ମୁଁ ବାହୁଡ଼ି
କର ବାରେ ପ୍ରଭୁ ଦୟା ॥
ମତିଭ୍ରମେ ଆଜି ପାରୁନି ମୁଁ ଜାଣି
କିଏ ପର ଆପଣାର,
ଅନୁକମ୍ପା ବୋଧେ କାହା ମନେନାହିଁ
ମରଣ ସ୍ଵାଗତ ମୋର ॥

ଛଅ ଖଣ୍ଡ କାଠ ଦବ କେ ସଜାଡି
କାନ୍ଧରେ କେ ନବ ବୋହି,
ଶେଷ ଠିକଣାରେ ପହଞ୍ଚି ଯିବି ମୁଁ
ଚିରନିଦ୍ରାରେ ଶୋଇ ॥
ହୁତୁ ହୁତୁ ହୋଇ ଜଳିବ ମୋ ଚିତା
ଏ ଶେଷ ଠିକଣା ବାର୍ତ୍ତା,
ଦୁନିଆଁ କହିବ ଜଳିଗଲା ଦେହ
ଲିଭିଗଲା ତା'ର ନାଆଁ ॥

3 Comments

  1. ପ୍ରମିଳା ପଟ୍ଟନାୟକ, ଖୋର୍ଦ୍ଧା, ଓଡିଶାJanuary 30, 2018 at 3:21 PM

    ବାସ୍ତବ ସତ୍ୟ । ବହୁତ ସୁନ୍ଦର କବିତା ।

    ReplyDelete
  2. ଆପଣ ଙ୍କୁ ହୃଦୟ ରୁ ପ୍ରୀତି ଫୁଲ ଅର୍ପଣ କରୁଛି ମାମ.

    ReplyDelete
  3. ବାସ୍ତବ ଧର୍ମୀ କବିତା ଶେଷ ଠିକଣା

    ReplyDelete

ବଣମଲ୍ଲୀର ମହକ ତାହାର ପାଠକ ପାଠିକା ମାନଙ୍କ ନିକଟରୁ ସର୍ବଦା ଗଠନମୂଳକ ମତାମତ ଆଶା କରିଥାଏ । ଯାହାକି ଜଣେ ସ୍ରଷ୍ଟାଙ୍କୁ ଉଚିତ ମାର୍ଗ ପ୍ରଦର୍ଶନ କରିବାରେ ସକ୍ଷମ ହୁଏ । ଯଦି ଆପଣ ଉପରୋକ୍ତ ବିଷୟଟି ଉପରେ ନିଜର ମତାମତ ପ୍ରଦାନ କରିବାକୁ ଚାହୁଁଛନ୍ତି, ତେବେ ଆପଣଙ୍କ ଗୁଗୁଲି ଆକାଉଣ୍ଟ ମାଧ୍ୟମରେ ନିଜର ମତାମତ ପ୍ରଦାନ କରନ୍ତୁ ।