Information

"ସ୍ଵାଗତିକା" ସାହିତ୍ୟ ପତ୍ରିକା ନିମନ୍ତେ ଇ-ମେଲ, ହ୍ଵାଟସଆପ ଓ ଡାକ ମାଧ୍ୟମରେ କବିତା ପଠାନ୍ତୁ । କବିତା ପଠାଇବାର ଶେଷ ତାରିଖ ୩୦/୧୧/୨୦୧୮ ଏବଂ କବିତାର ପରିଧି ୧୬ ରୁ ୨୦ ଧାଡି ମଧ୍ୟରେ ରହିବା ଆବଶ୍ୟକ । Email - swagatika.nishikanta@gmail.com / WhatsApp - 8018646704 / By Post - The Chief Editor, Swagatika, At - Lokipur, PO - Gadamanatir, Dist - Khordha, Pin-752062, Odisha.

ଶକ୍ତି - ତୃପ୍ତି ପଣ୍ଡା

ତୃପ୍ତି ପଣ୍ଡା
ଗୁଣ୍ଡିଚା ବିହାର, ଲେନ ନଂ- ୭
ମାଟିଆପଡା, ପୁରୀ

ଏମିତି ଏ ଆଖିର ଲୁହରେ
ଗାଧୋଉ ଥାଉ ପୁରା ଦେହଟା
ଖୁସୀ ଅପେକ୍ଷା ଦୁଃଖର ଭାରାଟା
ସବୁବେଳେ ତଳକୁ ରହୁ
ହସହସ ମୁହଁ ଭିତରେ ବି
ଆଖିର ଲୁହକୁ ଓଠ ପିଇଯାଉ,
ଏଠି ଲୁହ ଢାଳିବା ମନା
ସତ୍ୟ କହିବାରେ ଅନେକ ବାରଣ
ମୁଣ୍ଡ ଟେକି ଚାଲିବାର ଅଧିକାର
ବହୁତ୍ ମହଙ୍ଗା ।
ହୃଦୟର ମୂଲ୍ୟ ବୁଝିବାର ଶକ୍ତି
ଖାଲି ଦେଖାଇ ହେବା
ଯୁକ୍ତିଯୁକ୍ତ କଥାର ଅର୍ଥ ଟା
ଏଠି ଠିକ୍ ଓଲଟା,
କେମିତି ସୃଷ୍ଟି ତୁମର ଯେ
ଭାବିଲେ ଲାଗେ ଭାରି ଚିଡାଳିଆ,
ତୁମେ ଦାରୁ ହୋଇ ବସିଛ
ସେମିତି ବସିଥାଅ, ଆଉ
ମୁଁ ଦୁଃଖ ଭିତରେ ବି ତୁମ
ଦେଉଥିବା ସୁଖକୁ ଅନୁଭବେ
ସବୁବେଳେ ତୁମରି ଭାବରେ ମଜ୍ଜିରହି
ସବୁ ହସିହସି ସହିଯାଏ ॥

Post a Comment

0 Comments