ପ୍ରଭୁ - ଉଷାରାଣୀ ପଣ୍ଡା

ପ୍ରଭୁ - ଉଷାରାଣୀ ପଣ୍ଡା

ଉଷାରାଣୀ ପଣ୍ଡା
ଆନ୍ଧ୍ରପ୍ରଦେଶ

ଆଶା ମରୀଚିକା ପଛେ ଧାଇଁ ଧାଇଁ
ନିରାଶାଟି ହେଲା ସାର,
ଅସତ୍ୟ ପଥର ପଥିକ ସାଜିଲି
ସତ୍ୟକୁ ଏଡାଇ ପଛର ॥
ଅଧର୍ମ ବଳରେ ଧନ ଅରଜିଲି
ଧର୍ମକୁ ନକରି ଖାତିର,
ନିଶ୍ଵାସରେ ଭରି ଅବିଶ୍ଵାସ ରୂପ
ବିଶ୍ଵାସକୁ କରିଲି ପର ॥
ନିନ୍ଦା ଅପବାଦେ ଦ୍ଵେଷର ଗହଣେ
ଅହଂ ବଳେ ହେଲି ନିଷ୍ଠୁର,
ପାପ ନଉକାର ନାଉରୀଟି ହୋଇ
ପୁଣ୍ୟକୁ କଲି ବେଖାତିର ॥
ଅସୀମ ବିପଦେ ନାଆ ଚଳାଉଛି
ବିପନ୍ନୁ ଉଦ୍ଧାର କର,
ଭାବସାଗରରେ ବୁଡାଅ ହେ ପ୍ରଭୁ
ଅଭାବକୁ କରିଣ ଦୂର ॥
ଅନର୍ଥ ଜ୍ଞାନରେ ଜ୍ଞାନୀ ବୋଲାଇଲି
ଅର୍ଥକୁ କରିଲି ଜୋର୍,
ଅଜ୍ଞାନ ଅନ୍ଧାର ଦୂରୀଭୂତ କରି
ହୃଦେ ଭର ଜ୍ଞାନ ଭଣ୍ଡାର ॥

1 Comments

  1. ଜୟ ଜଗନ୍ନାଥ।ଭକ୍ତି ପୂର୍ଣ୍ଣ ଭାବ।

    ReplyDelete

ବଣମଲ୍ଲୀର ମହକ ତାହାର ପାଠକ ପାଠିକା ମାନଙ୍କ ନିକଟରୁ ସର୍ବଦା ଗଠନମୂଳକ ମତାମତ ଆଶା କରିଥାଏ । ଯାହାକି ଜଣେ ସ୍ରଷ୍ଟାଙ୍କୁ ଉଚିତ ମାର୍ଗ ପ୍ରଦର୍ଶନ କରିବାରେ ସକ୍ଷମ ହୁଏ । ଯଦି Anonymous User ଭାବେ ଆପଣ ଉପରୋକ୍ତ ବିଷୟଟି ଉପରେ ନିଜର ମତାମତ ପ୍ରଦାନ କରିବାକୁ ଚାହୁଁଛନ୍ତି, ତେବେ ନିଜର ମତାମତ ତଳେ ଆପଣଙ୍କ ନାମ ଓ ଠିକଣା ପ୍ରଦାନ କରିବାକୁ ଅନୁରୋଧ ।