Information

ପ୍ରିୟା ଯିବ ଶାଶୁଘର - ସିଦ୍ଧେଶ୍ଵର ତ୍ରିପାଠୀ

ସିଦ୍ଧେଶ୍ଵର ତ୍ରିପାଠୀ
କୁଣ୍ଡିଲୋ, କେରଙ୍ଗ, ଖୋରଧା
ଦୂରଭାଷ : ୮୦୧୮୬୪୬୭୦୪

ଅତୀତଟା ଆଜି ସ୍ମୃତି ପାଲଟିଲା
ହଜିଗଲା ସବୁ ଚିହ୍ନ
ସପନ ଗୁଡାକ ସପନେ ରହିଲା
ସୁଖ ହେଲା ଅବସାନ ॥

ହଳଦୀ ଲଗେଇ ମେହେନ୍ଦୀ ସଜେଇ
ବଉଳ ପାଟକୁ ପିନ୍ଧି
ପ୍ରିୟତମା ଆଜି ଶାଶୁଘର ଯିବ
ନୂଆ ହାତେ ହାତ ଛନ୍ଦି ॥

ଗଜରାରେ ବେଣୀ ସଜାଇଛି ତା'ର
ନାଇଛି ଶଙ୍ଖା ସିନ୍ଦୁର
ହୃଦୟଟା ଜଳେ ଏ ମନ କୁହୁଳେ
ସବୁ ସ୍ଵପ୍ନ ଛାରଖାର ॥

ମୋ ଜୀବନ ନର୍କ ହେଲାଣିତ ହେଉ
ଦୁଃଖ ମୋ ଅତି ନିଜର
ସୁହାଗ ସିନ୍ଦୁର ସିନ୍ଥିରେ ତା ନାଇ
ପ୍ରିୟା ଯିବ ଶାଶୁଘର ॥

Post a Comment