ରେ ହୃଦୟ

ରେ ହୃଦୟ

ବିକେଶ ସାହୁ
ଭୂଷଲାର୍ଡ, ସିନ୍ଧେକେଲା, ବଲାଙ୍ଗୀର

ଥରେ ମୁଁ ପଚାରିଲି
ଏଇ ହୃଦୟକୁ
ରେ ହୃଦୟ
ସତକହ କାହାକଥା ରାତିଦିନ ଭାବୁ ।
ଏକା ଏକା ହସୁ ପୁଣି
ଏକା ଏକା କାନ୍ଦୁ
ଏକା ତୁହି କାହା ସହ
ନିତି କଥା ହେଉ ।
ରେ ହୃଦୟ................।
କାହା ପାଇଁ ପ୍ରତିଦିନ
ମନ୍ଦିରେ ଦୀପ ଜାଳୁ
ନିଜ କଥା ନ ଭାବି ତୁ
କାହା କଥା ଭାବୁ
ଉପବାସ ରହି ତୁ ରେ
ମଙ୍ଗଳ ମନାସୁ ।
ରେ ହୃଦୟ.................।
କାହା ପାଇଁ ସକାଳରେ
ସଜ ଫୁଲ ତୋଳୁ
କାଳେ ସେ ଆସିବ ଭାବି
ମଲ୍ଲୀ ମାଳ ଗୁନ୍ଥଉ
ନାନା ରଙ୍ଗ ଫୁଲରେ ତୁ
ଘରଟା ସଜାଉ ।
ରେ ହୃଦୟ................।
କାହିଁକି ରେ ନିତି ନିତି
ବାତାୟନେ ବସୁ
ମଙ୍ଗଳ କଳସ ଥୋଇ
କାହା ପଥ ଚାହୁଁ
ଆଖି ଲୁହ ଶ୍ରାବଣ ରେ
କାହା ପାଇଁ ଭିଜୁ ।
ରେ ହୃଦୟ................।
କାହାପାଇଁ ଏକା ବସି
କବିତା ତୁ ଲେଖୁ
ରାତି ସାରା ଚେଇଁ ଚେଇଁ
କାହା କଥା ଭାବୁ
ନିତି ନିତି ସପନରେ
କାହା ମୁହଁ ଦେଖୁ ।
ରେ ହୃଦୟ.................।

0 Comments