"ବଣମଲ୍ଲୀର ମହକ ଗଳ୍ପ ପ୍ରତିଯୋଗିତା" ଏବଂ "କବିର ଘର କବିତା ପ୍ରତିଯୋଗିତା" ରେ ନିଜକୁ ସାମିଲ କରନ୍ତୁ । ଅନଲାଇନ ମାଧ୍ୟମରେ ଏହି ପ୍ରତିଯୋଗିତା ଗୁଡିକରେ ଅଂଶଗ୍ରହଣ କରିବା ନିମନ୍ତେ ୱେବ-ପୋର୍ଟାଲରେ ଉପଲବ୍ଧ ଥିବା LITERACY CONTEST ଫଳକକୁ କ୍ଲିକ କରି ଆଗକୁ ବଢନ୍ତୁ ।

ଶୂନ୍ୟତାର ଅନ୍ତଃସ୍ୱର

ଶୂନ୍ୟତାର ଅନ୍ତଃସ୍ୱର

ତପନ ଦୀକ୍ଷିତ (ବେଳାଭୁମି)
ନାଶିକେଶ୍ଵର, କାକଟପୁର, ପୁରୀ

ଶୂନ୍ୟତା ଆସି ଦସ୍ତକ ଦିଏ
ସଞ୍ଜ ନଇଁଲା ପରେ
ଶେଫାଳି ମହକ ଖେଳି ବୁଲୁଥାଏ
ଉଲଗ୍ଣ ମଳୟରେ,
ଜହ୍ନ ରୋଷଣୀରେ ତାତି ଭରି ଯାଏ
ରାତି ଯଉବନୀ ହେଲେ
କଡ଼ ଲେଉଟାଏ ସ୍ମୃତି ଅଜଗର
‘ବିରହ ଡାଏରୀ’ ଖୋଲେ
ପରସ୍ତ ପରସ୍ତ ସପନରେ ଆସ
ଆସି ପୁଣି ଯାଅ ଫେରି
ଲେଉଟାଣୀ ଜହ୍ନ - ପାହାନ୍ତି ତାରାରେ
ରାତିଟା ଆସଇ ସରି,
ନିତି ଦିନ ସାଥୀ ରାତି ବିତିଯାଏ
ମଧୁଶାଳା ପଥ ପରେ
ବାକୀ ଯାହାସବୁ ସମାହିତ ହୁଏ
ଶୂନ୍ୟତାର ଅନ୍ତଃସ୍ୱରେ ॥

0 Comments