Children World

ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର... ତିନିଶହରୁ ଉର୍ଦ୍ଧ ଲେଖକ ଲେଖିକା ଏବଂ ଦୁଇଲକ୍ଷରୁ ଉର୍ଦ୍ଧ ପାଠକ ପାଠିକା ମାନଙ୍କର ପ୍ରିୟ ଇ-ସାହିତ୍ୟ ୱେବ ପୋର୍ଟାଲ ବଣମଲ୍ଲୀର ମହକ ଆପଣଙ୍କୁ ସ୍ଵାଗତ ଜଣାଉଛି ।

ମାଆ ମୋ ଜୀବନ - ଝଞ୍ଜା ପ୍ରିୟଦର୍ଶିନୀ

ଝଞ୍ଜା ପ୍ରିୟଦର୍ଶିନୀ (ଗୁଞ୍ଜନ)
ମାର୍ଫତ- ସଲିଳ କୁମାର ସ୍ଵାଇଁ
ମଙ୍ଗଳାଯୋଡି, ଖୋରଧା

ମାଆ ବୋଲି ଡାକ କିଏ ସେ ରଖିଲା
ଦେଲା ମଧୁରତା ଭରି
ମାଆ ମୋର ପରା ସରଗଠୁ ବଡ
କେ ହୋଇବ ତା’ର ସରି ?

ସ୍ନେହ ମମତାର ପ୍ରତୀକ ଅଟଇ
ସେହି ତ ଜନନୀ ମୋର
ମିଛ ଦୁନିଆଁରେ ସବୁଠୁ ନିଜର
ଅଭୟ ପଣତ ତଳ ॥

ତାହାରି କୋଳରେ ମଥାରଖି ମୁହିଁ
ଯାଏ ସବୁ ଦୁଃଖ ଭୁଲି
ସରଗଠୁ ଉଚ୍ଚ ଜନନୀ ମୋହର
ତାହାରି ସନ୍ତାନ ମୁହିଁ ॥

ଝୁଣ୍ଟି ପଡିଗଲେ ମାଆ ଡାକ ଆସେ
ମଲାବେଳେ ମଧ୍ୟ ମାଆ
ମାଆଠୁ ନିଜର ଆଉ କେହିନାହିଁ
ମାଆ ଅଟେ ମୋର ସାହା ॥

ମାଆ ମୋର ସାହା ମାଆ ତ ଭରସା
ହାତଧରି ଚାଲେ ବାଟ
ଜନନୀର ଆଶା କରିବି ପୂରଣ
ନଦେବି ମନରେ କଷ୍ଟ ॥

ମାଆ ଦୁଃଖୀ ହେଲେ ମନ ମୋର ଦୁଃଖ
ତା ଆନନ୍ଦେ ମନ ସୁଖ
ସବୁଠୁ ନିଜର ତୁ ମୋର ଜନନୀ
ଭୁଲିବିନି ତୋର ମୁଖ ॥

ମାଆ ମୋର ଦେବୀ ମୋ ଘର ମନ୍ଦିର
ଅପୂରଣୀୟ ତା ସ୍ଥାନ
ତୋତେ ଛାଡି ମାଆ ପାରିବିନି ରହି
ମାଆ ପ୍ରିୟ ସବୁଦିନ ॥

Post a Comment

0 Comments