Children World

ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର... ତିନିଶହରୁ ଉର୍ଦ୍ଧ ଲେଖକ ଲେଖିକା ଏବଂ ଦୁଇଲକ୍ଷରୁ ଉର୍ଦ୍ଧ ପାଠକ ପାଠିକା ମାନଙ୍କର ପ୍ରିୟ ଇ-ସାହିତ୍ୟ ୱେବ ପୋର୍ଟାଲ ବଣମଲ୍ଲୀର ମହକ ଆପଣଙ୍କୁ ସ୍ଵାଗତ ଜଣାଉଛି ।

ସ୍ଵଚ୍ଛତା ସଙ୍ଗୀତ

ଶ୍ରୀମତୀ ପ୍ରିୟମ୍ବଦା ଜେନା, ପ୍ରଧାନ ଶିକ୍ଷୟତ୍ରୀ
ସୁନ୍ଦରପୁର ପ୍ରକଳ୍ପ ଉଚ୍ଚ ପ୍ରାଥମିକ ବିଦ୍ୟାଳୟ
ଟାଙ୍ଗୀ ସମିତି, ଖୋରଧା ଜିଲ୍ଲା

ଆହେ ଛାତ୍ର ଛାତ୍ରୀ ଭାଇ ଭଉଣୀ
ଶୁଣ ସ୍ଵଚ୍ଛତା ପକ୍ଷର କାହାଣୀ ॥

ସେପ୍ଟେମ୍ବର ଏକ ରୁ ପନ୍ଦର
ପାଳିବାକୁ କହନ୍ତି ସରକାର ॥

ବିଦ୍ୟାଳୟ ପ୍ରାର୍ଥନା ସଭାରେ
ଆମେ ସଭିଏଁ ଶପଥ ନେବାରେ ॥

ଆମ ପରିବେଶ ସଫା ରଖିବା
ଦେଶ ସୁନ୍ଦର ସବୁଜ କରିବା ॥

ଆମ ସାଥିରେ ଆମ ପରିବାର
ସଫା ରହିବା ଅତି ଦରକାର ॥

ଆମ ବିଦ୍ୟାଳୟ ହେବ ଏମିତି
ଗାନ୍ଧୀ ସ୍ଵପ୍ନ ଦେଖିଥିଲେ ଯେମିତି ॥

ଆବର୍ଜନା ପଡିବନି ବାହାରେ
ସବୁ ପଡୁଥିବ ଡଷ୍ଟବିନ ରେ ॥

ଶ୍ରେଣୀଗୃହ ରୋଷଘର ବଗିଚା
ଚିକି ଚିକି ମାରୁଥିବ ସର୍ବଦା ॥

ନଖ କାଟି ବିଦ୍ୟାଳୟ ଆସିବା
ବହି ମଲାଟ ମଡାଇ ରଖିବା ॥

ପୋଷାକକୁ ପରିଷ୍କାର ରଖିବା
ମୁଣ୍ଡ କୁଣ୍ଡାଇ ସୁନ୍ଦର ଦିଶିବା ॥

ଖାଇବା ପୂର୍ବରୁ ହାତ ଧୋଇବା
ଗ୍ରାମବାସୀଙ୍କୁ ବୁଝାଇ କହିବା ॥

ଘରେ ଘରେ ପାଇଖାନା କରିବା
ରୋଗ ଜୀବାଣୁଠୁ ଦୂରେ ରହିବା ॥

ଆମେ ସ୍ଵଚ୍ଛତା ସେନାନୀ ସୈନିକ
ଗାନ୍ଧୀବାଦର ପଥରେ ପଥିକ ॥

Post a Comment

0 Comments