Children World

ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର... ତିନିଶହରୁ ଉର୍ଦ୍ଧ ଲେଖକ ଲେଖିକା ଏବଂ ଦୁଇଲକ୍ଷରୁ ଉର୍ଦ୍ଧ ପାଠକ ପାଠିକା ମାନଙ୍କର ପ୍ରିୟ ଇ-ସାହିତ୍ୟ ୱେବ ପୋର୍ଟାଲ ବଣମଲ୍ଲୀର ମହକ ଆପଣଙ୍କୁ ସ୍ଵାଗତ ଜଣାଉଛି ।

ହୃଦୟଟା ଗୋଟେ ନୁହେଁ ତ ଖେଳନା

ପ୍ରଶାନ୍ତ କୁମାର ନାଥ
ସୁନ୍ଦରପୁର, ଉତ୍ତରକୂଳହାଟ, ପ୍ରୀତିପୁର, ଯାଜପୁର
ଦୂରଭାଷ- ୮୮୯୨୩୦୧୧୪୩

ବୁଝି ପାରିଲିନି ତୁମ ଅଭିନୟ
ନୁହେଁ ବୋଲି କଳାକାର
ପ୍ରେମ କରିବାର ଅଭିନୟ କରି
ଲୁଟିନେଲ ସବୁ ମୋର ॥
ଆଖିରେ ମୋହର ଲୁହ ଭରିଦେଲ
ହସ ଟିକେ ଚାହିଁଥିଲି
ଦୁଃଖର ଗରଳ ଦେଲ ତ ପିଆଇ
ସୁଖ ଟିକେ ମାଗିଥିଲି ॥
ପ୍ରେମ କରିବାର ଅଭିନୟ କରି
ଭଲ ମୋତେ ପାଉଥିଲ
ହୃଦୟକୁ ମୋର ଖେଳନା ଭାବିକି
କାହିଁକି ଗୋ ଖେଳୁଥିଲ ॥
ହୃଦୟଟା ଗୋଟେ ଖେଳନା ନୁହେଁ ଗୋ
ଖେଳିବ ଖେଳନା କରି
ସେହି ଖେଳି ଯେବେ ମନ ଛାଡିଯିବ
ଚାଲିଯିବ ପର କରି ॥
ହୃଦୟକୁ ନେଇ ଖେଳିବା ଆଗରୁ
ଶହେ ଥରେ ଭାବିନିଅ
ରକ୍ତ ମାଂସେ ଗଢା ହୃଦୟ ଯେ ତାହା
ଖେଳ ପଡିଆଟେ ନୁହଁ ॥

Post a Comment

0 Comments