Children World

ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର... ତିନିଶହରୁ ଉର୍ଦ୍ଧ ଲେଖକ ଲେଖିକା ଏବଂ ଦୁଇଲକ୍ଷରୁ ଉର୍ଦ୍ଧ ପାଠକ ପାଠିକା ମାନଙ୍କର ପ୍ରିୟ ଇ-ସାହିତ୍ୟ ୱେବ ପୋର୍ଟାଲ ବଣମଲ୍ଲୀର ମହକ ଆପଣଙ୍କୁ ସ୍ଵାଗତ ଜଣାଉଛି ।

ମୁଁ ସେଇ ନାରୀ କହୁଛି

ବିକେଶ ସାହୁ
ଭୂଷଲାଡ଼, ସିନ୍ଧେକେଲା, ବଲାଙ୍ଗୀର
ଦୂର ଭାଷ-୭୭୫୨୦୬୬୨୧୭/୯୯୩୭୧୫୩୧୭୯

ମୁଁ ଗୋଟେ ନାରୀ ସତ
ନୁହେଁ ହୀନ ଶକ୍ତି
ନୁହେଁ ମୁଁ ଦୁର୍ବଲା
ମୁଁ ବି କରିପାରେ ଅଶ୍ୱସବାରୀ ।
ମୁଁ ବି ଲଢ଼ିପାରେ ସଂଗ୍ରାମରେ
ଛେଦି ପାରେ ଶତ୍ରୁ ଶିର
ମୁଁ ବି ଫୁଟାଇ ପାରେ ରକ୍ତ ପଦ୍ମ
ଧରି ଖଣ୍ଡା ଖର୍ପର ।
ମୁଁ କରିପାରେ ସୃଷ୍ଟି
କରିପାରେ ମୁଁ ଧ୍ୱଂସ
ପାଳିବାକୁ ମଧ୍ୟ ଅଛି ଶକ୍ତି
ମୋତେ ମଣ କିମ୍ପା ଦୁର୍ବଳ।
ଦୁର୍ଗା ସାଜି ମୁଁ ନାସିଛି ମହିଁଷା
ରକ୍ଷା କରିଥିଲି ସୃଷ୍ଟି
ଭାରତ ଯୁଦ୍ଧ ରଚିଥିଲି ମୁଁ
ସାଜି ଦ୍ବାପରେ ଦୌପଦୀ ।
ମୁଁ ସେ ସାବିତ୍ରୀ ମୃତ୍ୟୁ କୁ ଜିଣିଛି
ଫେରାଇ ମୋ ପତି ପ୍ରାଣ
ତଥାପି ସମାଜେ କିମ୍ପାଇଁ ମୋତେ
ଦିଅରେ ଏତେ କଷଣ ।
ଅନୂଶୟା ସାଜି ସ୍ନେହ ମମତାରେ
ବାନ୍ଧିଥିଲି ତିନି ଦେବ
ମୁଁ ସେଇ ନାରୀ
ମୋଠି ସୃଷ୍ଟି ମୁଁ ହିଁ ତ ବିଳୟ ।
ଭାବେ କିମ୍ପା ଆଜି ଏ ସମାଜ ମୋତେ
ନିରୀହ ଆଉ ଦୁର୍ବଲା
କରିଥିଲି ମୁଁ ସ୍ୱର୍ଣ୍ଣ ଲଙ୍କା ଧ୍ବଂସ
ମନେ ନାହିଁ କି ସେ କଥା ।
ହେ ସମାଜ ମୋତେ ଦୁର୍ବଲା ଭାବି
ନେ ନା ମୋ ସ୍ୱାଧୀନତା
ସ୍ୱାଧୀନତାରେ ମୋତେ ବଞ୍ଚିବା କୁ ଦେ
ନ ଭାବି ମୋତେ ଦୁର୍ବଳା ।
ମୁଁ ଜନ୍ମଦାତ୍ରୀ
ମୁଁ ପାଲନେତ୍ରୀ
ସଂସାର ପରେ ମୁଁ ଧ୍ବଂସି
ମୁଁ ସେ ନାରୀ କହୁଛି ।

Post a Comment

0 Comments