Information

"ସ୍ଵାଗତିକା" ସାହିତ୍ୟ ପତ୍ରିକା ନିମନ୍ତେ ଇ-ମେଲ, ହ୍ଵାଟସଆପ ଓ ଡାକ ମାଧ୍ୟମରେ କବିତା ପଠାନ୍ତୁ । କବିତା ପଠାଇବାର ଶେଷ ତାରିଖ ୩୦/୧୧/୨୦୧୮ ଏବଂ କବିତାର ପରିଧି ୧୬ ରୁ ୨୦ ଧାଡି ମଧ୍ୟରେ ରହିବା ଆବଶ୍ୟକ । Email - swagatika.nishikanta@gmail.com / WhatsApp - 8018646704 / By Post - The Chief Editor, Swagatika, At - Lokipur, PO - Gadamanatir, Dist - Khordha, Pin-752062, Odisha.

ବାପା !

ବିକେଶ ସାହୁ
ଭୂଷଲାଡ଼, ସିନ୍ଧେକେଲା, ବଲାଙ୍ଗୀର
ଦୂରଭାଷ- ୭୭୫୨୦୬୬୨୧୭/୯୯୩୭୧୫୩୧୭୯

ବାପା !
ତୁମେ ଅଛ ବୋଲି
ଆଜି ଗର୍ବରେ ଚାଲିପାରୁଛି ବାଟ
ମୁଣ୍ଡ ଟେକି ଦେଇପାରୁଛି
ମୋ ନିଜ ପରିଚୟ ।
ତୁମେ ତ ମୋ ଦମ୍ଭ
ମୋ ଅମାପ ଶକ୍ତି ଆଉ ବଳ
ତୁମେ ହିଁ ମୋ ସାହସ
ତୁମେ ଥିଲେ କାହାକୁ ବା ଡର ।
ତୁମେ ଅଛ ବୋଲି
ତ ମୁଁ ଅଛି
ଅଛି ବାପା ମୋରି ଅସ୍ତିତ୍ୱ
ମୁଁ ତ ତୁମରି ଅଂଶ
ତୁମ ଠାରୁ ତ ମୋର ସୃଷ୍ଟି
ମୁଁ ତ ତୁମ କଣିକାଟେ ମାତ୍ର ।
ଆସୁ ଯେତେ ଦୁଃଖ
ଅମାପ ଯନ୍ତ୍ରଣା ଦୁର୍ବିସହ
ତୁମେ ତ ମୋ ସୁରକ୍ଷାର କାନ୍ଥ
ନିଜେ ସବୁ ସହିଯାଅ
ଆଉ ମୋ ପାଇଁ
ତ ତୋଳି ଦିଅ
ସୁରକ୍ଷାର ଅଭେଦ୍ୟ ବଲୟ ।
ତୁମେ ଥିଲେ ବାପା
ଅଛି ମୋର ସବୁ କିଛି
ଯେତେ ଦୁଃଖ ସବୁ ଉଭେଇ ଯାଏ
ତୁମ ହାତ ଯେବେ
ଛୁଏଁ ମୋ ମସ୍ତକ
ଖେଳି ଯାଏ ମନେ ମୋର
ଅମାପ ଶକତି ।
ତୁମେ ତ ମୋ କଳ୍ପନାର
ସର୍ବୋଚ୍ଚ ପାହାଚ
ତୁମ ଠାରୁ ତ ମୁଁ ଶିଖିଛି
ବଞ୍ଚିବାର ପ୍ରତିଟି ବୀଜ ମନ୍ତ୍ର
ଜୀଇଁବାର ପ୍ରତିଟି ପନ୍ଥା
ତୁମେ ଅଛ ବୋଲି ତ
ମୁଁ ଆଜି ବଞ୍ଚିଛି
ଦୁନିଆରେ ପରିଚୟଟିଏ ନେଇ ।
ବାପା !ଲୋଡିବି ବା ଆଉ କ'ଣ
ସବୁ ତ ମୋ ପାଖରେ ଅଛି
ସ୍ନେହ ଅଛି ମମତା ଅଛି
ଅଛି ତ ସ୍ୱର୍ଗର ତାରକା ଓ ଶଶୀ
ଅଛି ତ ମୋ ପାଖରେ
ଦୁନିଆର ସବୁ କିଛି
କାହିଁକି ନା ବାପା
ମୋ ସାଥିରେ ତୁମେ ଅଛ ବୋଲି.....।

Post a Comment

0 Comments