ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ତୁମକୁ ଛୁଇଁଲା ପରେ

ତୁମକୁ ଛୁଇଁଲା ପରେ

ସିଦ୍ଧେଶ୍ଵର ତ୍ରିପାଠୀ
କୁଣ୍ଡିଲୋ, କେରଙ୍ଗ, ଖୋରଧା ।
ଦୂରଭାଷ - ୮୦୧୮୬୪୬୭୦୪

ତନୁମନ ମୋର ଓଦା ହୋଇଗଲା
ତୁମକୁ ଛୁଇଁଲା ପରେ
ପ୍ରୀତିର କବିତା ଅନେକ ଲେଖିଲି
ଏ ମିଠା ଅନୁଭୂତିରେ ॥

ମାନସପଟରେ ରହିଗଲ ତୁମେ
ଅଲିଭା ଛବିଟେ ହୋଇ
ହୃଦୟ ପରିଧି ଆତ୍ମଲିପିକୁ
କେବେ ହେବନି ଲିଭେଇ ॥


ତୁମରି ଓଠକୁ ଛୁଇଁଲା ପରଠୁ
କବି ହେଲି ସମାଜରେ
ତନୁ ମନ ମୋର ଓଦା ହୋଇଗଲା
ତୁମକୁ ଛୁଇଁଲା ପରେ ॥

ଯେବେଠୁ ଦେଇଛ ତୁମେ ଗୋ ସଜନୀ
ପ୍ରୀତିର ଶୃଙ୍ଗାର ରସ
ଯେତେ ପାଇଲେବି ଏ ମନ ବୁଝେନି
ରହିଯାଏ ଅବଶୋଷ ॥


କ୍ଳାନ୍ତ ଦେହ ସିନା ସଅଳ ହାରଇ
ମନ କିବା କେବେ ହାରେ
ତନୁ ମନ ମୋର ଓଦା ହୋଇଗଲା
ତୁମକୁ ଛୁଇଁଲା ପରେ ॥

0 Comments