Children World

ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର... ତିନିଶହରୁ ଉର୍ଦ୍ଧ ଲେଖକ ଲେଖିକା ଏବଂ ଦୁଇଲକ୍ଷରୁ ଉର୍ଦ୍ଧ ପାଠକ ପାଠିକା ମାନଙ୍କର ପ୍ରିୟ ଇ-ସାହିତ୍ୟ ୱେବ ପୋର୍ଟାଲ ବଣମଲ୍ଲୀର ମହକ ଆପଣଙ୍କୁ ସ୍ଵାଗତ ଜଣାଉଛି ।

ଭାରତ ମାତା

ସନ୍ତୋଷ ପଟ୍ଟନାୟକ
ତିରିଡା, ବେଗୁନିଆପଡ଼ା, ଗଞ୍ଜାମ

ଭାରତ ମାତାର ପୟରେ ଜୁହାର
ଢାଳୁଛି କୁସୁମାଞ୍ଜଳୀ
ପ୍ରତିଜ୍ଞାବଦ୍ଧ ମୁଁ ଦେଶ ସୁରକ୍ଷାର୍ଥେ
ରକ୍ତବିନ୍ଦୁ ଦେବି ଢାଳି....

କତ ଆମର ଗୋଟିଏ ରଙ୍ଗର
ଆମେ ଭାରତ ସନ୍ତାନ
ଭାବିବାନି ମନେ ଶିଖ୍, ବୁଦ୍ଧ, ଜୈନ
ହିନ୍ଦୁ ଅବା ଖ୍ରୀଷ୍ଟିଆନ....

ନ, ମନ, ଧନ କରିବା ଅର୍ପଣ
ହାତେ ହାତକୁ ମିଳାଇ
ଲଢିବାରେ ଆମେ ଡରିଯିବା ନାହିଁ
ଶତ୍ରୁକୁ ଦେବା ହଟାଇ....

ମାତାର ଗରଭୂ ଜନମ ଲଭିଛେ
ମରଣ ନିଶ୍ଚୟ ଦିନେ
ମାତୃଭୂମି ଲାଗି ଜୀବନଟା ଗଲେ
ଦୁଃଖ କରିବାନି ମନେ....

ତାହାରି ମମତା ଉଜାଣି ଯମୁନା
ମରୁରେ ଛୁଟାଏ ଧାର
ସ୍ୱାର୍ଥକୁ ଆହୁତି ଦିଅ ଭାତୃବୃନ୍ଦ
ଭବିଷ୍ୟତ ଆମେ ତାର....

ହାତେ ହାତ ଧରି ହୁଅହେ ଏକାଠି
ମିଳିମିଶି ଚାଲୁଥିବା
ମୁଖେ ଧରିବାନି ଜାତିବାଦ ଆଉ
ଜନଗଣ ଗାଉଥିବା.....

Post a Comment

0 Comments