Information

ମୋ ଗାଆଁ - ପ୍ରଫୁଲ୍ଲ ଚନ୍ଦ୍ର ମିଶ୍ର

ପ୍ରଫୁଲ୍ଲ ଚନ୍ଦ୍ର ମିଶ୍ର, ଅବସରପ୍ରାପ୍ତ ପୋଲିସ ଅଧିକାରୀ
ମଙ୍ଗଳାଯୋଡି, ଖୋରଧା, ଦୁରଭାଷ : ୯୪୩୮୩୯୨୮୦୨

ମୋ ଗାଁ କେତେ ମନୋହର ଆହା ରୂପ ତା ଅଭୂଲା ଭୂଲା,
ମନେପଡେ ତାର ଅପରୂପ ରୂପ, ରୂପ ତାର ଅପାଶୋରା ॥
ତା କୋଳେ ଜନମି ଧନ୍ୟ ମଣଇ ମୁଁ ଯେ କେତେ ଭାଗ୍ୟବାନ,
ଯା ପାଣି ପବନେ ବଢିଛି ମୋ ବପୁ ହୋଇଛି ମୁଁ ବଳବାନ ॥

ମୋ ଗାଁ ଶିରୀ ପାହାଡ ଝରଣା ତୋଟାମାଳ ନଈକୁଳ,
ପୂଣ୍ୟ ଦେବାଦେବୀ ମନ୍ଦିର ସୁନ୍ଦର ଭାଗବତଟୁଙ୍ଗୀ ଘର ॥
ଜେଜେ, ବାପା, ମାଆ, ଦାଦା, ଖୁଡୀ ସ୍ନେହ ଭାଈ ଭଉଣୀ ଆଦର,
ଭୁଲିନାହିଁ ସେହି ଅଭୂଲା ଚିତ୍ର ଆହା କେଡେ ଆପଣାର ॥

କିଚିରି ମିଚିରି ଘରଚଟିଆ ତ ପ୍ରଭାତୀ ବନ୍ଦନା ଗାଇ,
କାଉ, କୁମ୍ଭାଟୁଆ ଶବଦ ଚହଳେ ଗାଁ ଉଛୁଳି ଉଠଇ ॥
ଚଷାଭାଈ ହଳଲଙ୍ଗଳ ସଜାଡି ପଲ୍ଲୀଗୀତ ଯାଏ ଗାଇ,
ବଇଁଶୀ ବଜାଇ ଗାଈଆଳ ପୁଅ ଗାଈଗୋଠ ଯାଏ ନେଇ ॥

ଘଣ୍ଟ ଘଣ୍ଟା ଘଣ୍ଟି ଶବଦେ ଓଁକାର ବେଦମନ୍ତ୍ର ମହାଭୋଳେ,
ଉତଫୁଲିତ ହୋଇ ଉଠଇ ମୋ ଗାଁ ଆହାକି ଆନଦଭୋଳେ ॥
ଧୂପ, ଦୀପ, ଫୁଲ ସୁଗନ୍ଧେ ପବନ ହୋଇଉଠେ ସୁରଭିତ,
ସେ ଗନ୍ଧେ ଜୀବନ ହୁଅଇ ଅଧୀର ପ୍ରାଣ ହୁଏ ଉଲ୍ଲସିତ ॥

ପୁନିଅଁ, ପରବ, ରଜ, ଦଶହରା ଚଇତେ ଚଇତି ଯାତ,
ଆନନ୍ଦ ଅପାର ନାହିଁ ପଟାନ୍ତର ଅଭୂଲା ସାଥୀ, ସଙ୍ଗାତ ॥
ସେହି ମୋର ଗାଁ ସେହି ମୋର ମା ତାକୋଳେ ମୋର ଜନମ,
ସେହି ମାଟି ମୋର ସରଗଠୁ ବଳି ସେ ମାଟି ମୋର ଚନ୍ଦନ ॥

Post a Comment

0 Comments