ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

କ୍ଳାନ୍ତ ପଥିକ - ଲକ୍ଷ୍ମୀନାରାୟଣ ପଟ୍ଟନାୟକ

କ୍ଳାନ୍ତ ପଥିକ - ଲକ୍ଷ୍ମୀନାରାୟଣ ପଟ୍ଟନାୟକ

ଲକ୍ଷ୍ମୀନାରାୟଣ ପଟ୍ଟନାୟକ
ଖୋର୍ଦ୍ଧା ଜଳସେଚନ ବିଭାଜନ, ଖୋର୍ଦ୍ଧା

କ୍ଳାନ୍ତ ପଥିକ ମୁଁ ଜୀବନ ପଥର
ଚାଲିପାରେ ନାହିଁ ପଥ,
ମୃଗତୃଷ୍ଣା ପଛେ ଧାଇଁବା ହିଁ ସାର
ମରେ ନାହିଁ ମୋର ଶୋଷ ॥

ଜୀବନ ତରୁର ନବପଲ୍ଲବକୁ
କାହିଁ ବା କରିବି ଆଶା,
ହତାଶାର ବହ୍ନି ଅଶାର ଆକାଶେ
ଜାଳଇ ଅଗ୍ନିର ଶିଖା ॥

ଡିମିରିଫୁଲର ବାସ୍ନାକୁ ଖୋଜିବା
ସିନା ବୃଥା ଅବକାଶ,
ବିନା ବସନ୍ତରେ ମଳୟ ଛୁଇଁବା
ଅଟଇ ଯେ ଉପହାସ ॥

0 Comments